بنگلادیش(bangladesh) کے ہاتھوں بھارت کی رسوائی ، بنگلہ دیش بھی کرکٹ کے میدان میں آگے بڑھنے لگا

bangladesh

بنگلادیش(bangladesh) کے ہاتھوں بھارت کی رسوائی ، بنگلہ دیش بھی کرکٹ کے میدان میں
آگے بڑھنے لگا ، اطلاعات کےمطابق کرکٹ کی تاریخ کے ہزارویں ٹی ٹوئنٹی
انٹرنیشنل میچ میں بھارت کو بنگلا دیش کے ہاتھوں 7 وکٹوں سے شکست ہوگئی۔

دوسری طرف بنگلہ دیش(bangladesh) میں خوشیاں منائی جارہی ہیں ، نئی دلی میں کھیلے گئے
3 ٹی ٹوئنٹی میچوں کی سیریز کے پہلے میچ میں بنگلادیش نے بھارت کو ہرا کر
20 اوورز کے میچ میں حریف ٹیم کے خلاف پہلی فتح حاصل کی۔

کھیل کی دنیا سے ملنے والی اطلاعت کے مطابق بنگلا دیشی کپتان محمود اللہ
نے ٹاس جیت کر میزبان ٹیم کو بیٹنگ کی دعوت دی تو مہمان ٹیم کو پہلی
کامیابی پہلے ہی اوور میں روہت شرما کی وکٹ کی صورت میں حاصل ہوئی۔

پاکستان اب جنوبی افریقا(South Africa) کی میزبانی کا خواہاں

بھارت کی طرف سے کوئی کھلاڑی خاطرخواہ کھیل کا مظاہرہ نہ کرسکا ،دوسرے
اوپنر شیکھر دھون 41 رنز بنا کر رن آؤٹ ہوئے جب کہ دیگر بلے بازوں میں
رشبھ پنت 27 اور شریاس آئیر 22 رنز بنا کر نمایاں رہے۔بھارتی ٹیم مقررہ
20 اوورز میں 6 وکٹ کے نقصان پر 148 رنز بنانے میں کامیاب رہی جب
کہ بنگلا دیش کی جانب سے شفیع الاسلام اور امین الاسلام نے 2،2 وکٹیں
حاصل کیں۔

149 رنز کے ہدف کے تعاقب میں بنگلا دیش(bangladesh) کے اوپنر لٹن داس
صرف 8 کے مجموعی اسکور پر آؤٹ ہوگئے، دوسری وکٹ پر
محمد نعیم اور سومیا سرکار نے 48 رنز جوڑے تاہم محمد نعیم 26 رنز
بناکر آؤٹ ہوئے جب کہ سومیا سرکار نے 39 رنز کی اننگز کھیلی۔

بنگلہ دیش کے وکٹ کیپر مشفق الرحیم نے شاندار بیٹنگ کی، اُنہوں
نے19ویں اوورمیں کفیل احمد کو مسلسل 4 چوکے بھی رسید کیے
اور ناقابل شکست 60 رنز کی اننگز کھیلی جب کہ کپتان محمود اللہ
بھی 15 رنز بنا کر ناٹ آؤٹ رہے۔یوں بنگال ٹائیگرز نے آخری اوور
میں 3 وکٹوں کے نقصان پر ہدف حاصل کرلیا اور بھارت کو پہلی شکست
سے دوچار کیا۔

اس خبر پر اپنی رائے کا اظہار کریں

اپنا تبصرہ بھیجیں