چٹاگانگ ایشیاءکپ 2018ءکے بعد جونیئر ایشیاءکپ 2018ءمیں بھی بنگلہ دیش نے پاکستان کرکٹ ٹیم کو شکست سے دوچار کر دیا۔
ظہور احمد چوہدری چٹاگانگ سٹیڈیم میں کھیلے گئے میچ میں بنگلہ دیش نے ٹاس جیت کر پاکستان کو پہلے بیٹنگ کی دعوت دی تو پوری ٹیم 45.2 اوورز میں 187 رنز بنا کر آﺅٹ ہو گئی۔ پاکستان کی جانب سے وقار احمد نے سب سے زیادہ 67 رنز بنائے جبکہ دیگر بلے بازوں میں محمد محسن خان نے 11، صائم ایوب نے 49، روحیل نذیر نے 23، محمد آصف نے 2، محمد جنید نے 24، محمد موسیٰ نے 2، نعیم شاہ نے 1 رنز بنایا جبکہ سعد خان، محمد حسنین اور بلال جاوید کوئی سکور نہ بنا سکے۔
بنگلہ دیش کی جانب سے ریشاد حسین نے 3 کھلاڑیوں کو پویلین کی راہ دکھائی اور شوریفل الاسلام نے 2 وکٹیں حاصل کیں جبکہ مرتیونجوئے اویشک داس اور رقیب الحسن نے ایک، ایک وکٹ حاصل کی۔
بنگلہ دیش انڈر 19 کرکٹ ٹیم نے مقررہ ہدف 48 ویں اوور میں 7 وکٹوں کے نقصان پر حاصل کر کے پاکستان کو شکست سے دوچار کر دیا۔ شمیم حسین نے سب سے زیادہ 65 رنز بنائے جبکہ دیگر بلے بازوں میں ساجد حسین نے 21، پرانتیک نوروز نبیل نے 58، توحید ہریدوئے نے 10، اکبر علی نے 17، مرتیونجوئے چوہدری نے 4، رقیب الحسن نے 1، ریشاد حسین نے 2 اور اویشیک داس نے 4 رنز بنائے جبکہ تنزید حسن کوئی سکور نہ بنا سکے۔
پاکستان کی جانب سے محمد موسیٰ نے 3 کھلاڑیوں کو پویلین کی راہ دکھائی جبکہ محمد حسنین، نعیم شاہ، بلال جاوید اور سعد خان نے ایک، ایک وکٹ حاصل کی۔
