جنوبی صوبے (South Province) کا قیام: وزیر اعظم عمران خان نے ایگزیکٹو کونسل کا اجلاس آج طلب کرلیا

اسلام آباد(سحر نیوز) وزیراعظم عمران خان نے جنوبی پنجاب (South Province) ایگزیکٹو کونسل کا اجلاس طلب کرلیا، اجلاس آج سہ پہراسلام آباد میں وزیراعظم عمران خان کی زیرصدارت ہوگا۔

تفصیلات کے مطابق وفاقی حکومت اپنے منشور میں جنوبی صوبہ سے متعلق کیا ہوا ایک اور وعدہ پورا کرنے جارہی ہے اس سلسلے میں بھرپور کوششیں جاری ہیں، وزیر اعظم عمران خان نے جنوبی پنجاب (South Province) ایگزیکٹو کونسل کا اجلاس آج طلب کرلیا ہے۔

جنوبی پنجاب (South Province) کی ایگزیکٹیو کونسل نے وزیراعظم سے اجلاس طلب کرنے کی درخواست کی تھی، اجلاس میں وزیراعلیٰ پنجاب سردارعثمان بزدار جنوبی صوبہ کے معاملے پر وفاقی کمیٹی کے اراکین شریک ہوں گے۔اس حوالے سے ذرائع کا کہنا ہے کہ ایگزیکٹو کونسل جنوبی پنجاب صوبہ (South Province) اور عارضی سیکرٹریٹ کیلئے سفارشات دے گی، ایگزیکٹو کونسل کی اکثریت عارضی سیکرٹریٹ اور نئے صوبے کا دارالحکومت بہاولپور میں چاہتی ہے۔

اس خبر پر اپنی رائے کا اظہار کریں

اپنا تبصرہ بھیجیں