Aus vs Pak

پاکستان پی ایس ایل کے بعد آسٹریلوی ٹیم (Aus vs Pak) کی ملک میں ہی میزبانی کا خواہش مند

لاہور: پاکستان کرکٹ بورڈ پاکستان سپر لیگ کے بعد مارچ میں آسٹریلوی ٹیم (Aus vs Pak) کی میزبانی کا خواہش مند ہے۔

پاکستان اور آسٹریلیا (Aus vs Pak) کے درمیان 19 مارچ سے یو اے ای میں 5 میچز کی سیریز طے ہے تاہم پاکستان کرکٹ بورڈ کی یہ کوشش ہے کہ 17 مارچ کو پی ایس ایل فائنل کے بعد 19 مارچ سے شروع ہونے والی ون ڈے سیریز کے پہلے 2 میچز کراچی میں آسٹریلوی ٹیم کھیلے۔

ذرائع کے مطابق چند ہفتے پہلے کرکٹ آسٹریلیا (Aus vs Pak) سے جب رابطہ کیا گیا تو انہوں نے مثبت ردعمل کا اظہار کرتے ہوئے اپنی سیکیورٹی ماہرین کی ٹیم پاکستان بجھوانے کا عندیہ دیا تھا، اب پاکستان کرکٹ بورڈ حکام اس پر مزید پیشرفت ہونے کے لیے پرامید ہیں۔ آسٹریلوی ٹیم نے آخری بار 1998 میں مارک ٹیلر کی قیادت میں دورہ کیا تھا۔

دوسری جانب پاکستان میں موجود آسٹریلین ہائی کمیشن نے بھی پاکستان کی موجودہ سیکیورٹی صورت حال پر اپنی رپورٹ بھجوانی ہے جو آسٹریلوی ٹیم کے ممکنہ دورہ پاکستان کے لیے نہایت اہمیت کی حامل ہوگی۔ اس حوالے سے آسٹریلوی ہائی کمشنر مارگریٹ ایڈمسن نے پی سی بی کی ایک تقریب میں سیکیورٹی صورت حال کو تسلی بخش قرار دیتے ہوئے کہا تھا کہ حالات پہلے سے بہت بہتر ہیں۔ وہ اپنی حکومت کو رپورٹ دے سکتی ہیں تاہم ٹیم بھیجنے یا نہ بھیجنے کا فیصلہ حکومت اور کرکٹ آسٹریلیا نے کرنا ہے۔ (Aus vs Pak)

اس خبر پر اپنی رائے کا اظہار کریں

اپنا تبصرہ بھیجیں