اسلام آباد (سحر نیوز) : سابق وزیراعظم نواز شریف (Nawaz Sharif) کے خلاف نیب ریفرنسز کا فیصلہ آج سنایا جائے گا۔ احتساب عدالت کے بڑے فیصلے سے قبل سابق وزیراعظم نواز شریف نے پارٹی رہنماؤں اور وکلا سے ملاقات کی۔ اس موقع پر سابق وزیراعظم نواز شریف کا کہنا تھا کہ مجھے کسی قسم کا خوف نہیں ہے ، مجھے اُمید ہے کہ مجھے انصاف ملے گا۔
انہوں (Nawaz Sharif) نے کہا کہ میرا ضمیر مطمئن ہے اور میں نے کوئی غلط کام نہیں کیا جس پر مجھے اپنا سرجھکانا پڑے۔ احتساب عدالت میں پیشی سے قبل لیگی رہنماؤں سے ملاقات کے دوران بات چیت کرتے ہوئے نواز شریف نے کہا کہ ایمانداری سے ملک اور عوام کی خدمت کی، کرپشن اور اختیارات کا ناجائز استعمال بھی نہیں کیا، اللہ سے پوری اُمید ہے کہ انصاف ملے گا۔
نواز شریف (Nawaz Sharif) کا کہنا تھا کہ کیس میں کچھ نہیں اس لیے زیادہ زیادتی کر بھی نہیں سکتے، ایک مرتبہ پھر پاکستان کو پٹری سے اتار دیا گیا ہے، موجودہ حکومت نے عوامی ترقی کے سفر کو سبوتاژ کردیا۔
ذرائع کے مطابق اس موقع پر مسلم لیگ ن کے رہنما نواز شریف (Nawaz Sharif) سے احتجاج کی حکمت عملی کے بارے میں پوچھتے رہے جس کا انہوں نے کوئی جواب نہیں دیا۔ ذرائع کا کہنا ہے کہ نواز شریف نے احتساب عدالت کا فیصلہ مخالفت میں آنے کی صورت میں احتجاج کا معاملہ بھی پارٹی پر چھوڑ دیا۔ میڈیا رپورٹس کے مطابق سابق وزیراعظم نواز شریف کے خلاف احتساب عدالت کے جج ارشد ملک آج دوپہر 2 بجے کے بعد العزیزیہ اسٹیل ملز اور فلیگ شپ ریفرنس کا فیصلہ سنائیں گے
یہ بھی پڑھیں. احتساب کرنا ہے تو بلا تفریق اور سب کا کريں، سینیٹر رضا ربانی
واضح رہے کہ احتساب عدالت نے نواز شریف کے خلاف دائر العزیزیہ اسٹیل ملز اور فلیگ شپ ریفرنس کا فیصلہ گذشتہ ہفتے 19 دسمبر کو محفوظ کیا تھا ریفرنسز کا فیصلہ العزیزیہ اور فلیگ شپ انویسٹمنٹ ریفرنسز میں فریقین کے حتمی دلائل مکمل ہونے کے بعد محفوظ کیا گیا تھا جو آج سنایا جائے گا۔
