اسلام آباد(سحر نیوز) رواں مالی سال-19 2018 کی پہلی ششماہی کے دوران تیل کی درآمدات (Oil imports) میں 15فیصد اضافہ ہوا. ادارہ شماریات کے جاری کردہ اعداد و شمار کے مطابق رواں مالی سال کی پہلی ششماہی کے دوران 7ارب 66کروڑ 50 لاکھ ڈالر کی پیٹرولیم مصنوعات درآمد کی گئیں. یہ درآمدات (Oil imports) گذشتہ مالی سال 2017-18 کی پہلی ششماہی کے دوران کی گئی 6ارب 67کروڑ 50 لاکھ ڈالر کی پیٹرولیم مصنوعات کی درآمدات سے 99کروڑ ڈالر زائد رہیں.
اس طرح گذشتہ سال کے مقابلے میں رواں سال کی پہلی ششماہی کے دوران 14.83فیصد زائد پیٹرولیم مصنوعات درآمد کی گئیں جبکہ روپے کی قدر کے لحاظ سے یہ اضافہ 39.86فیصد زائد رہا.
یہ بھی پڑھیں.وزیراعظم عمران خان2روزہ دورے پر قطر پہنچ گئے
دوسری جانب نئے مالی سال کے7ویں ماہ کے تیسرے ہفتے میں مہنگائی کی شرح میں 0.21 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اعشاریئے میں 0.16 فیصد کمی ریکارڈ کی گئی.
وفاقی ادارہ شماریات کے اعداد و شمار کے مطابق 18 جنوری کو ختم ہونے والے ہفتے کے دوران گندم، آٹا ،کیلے، لہسن ،خوردنی تیل، دال مسور ،دال ماش، تازہ دودھ ، دھی، چائے، چینی ،مٹن ،بیف، اری چاول ،ویجی ٹیبل گھی ،سمیت 17 اشیائے ضروریہ کی قیمتوں میں اضافہ ہوا. زندہ مرغی، انڈے، گڑ ،ایل پی جی ، چنے کی دال ،دال مونگ ،ٹماٹر، آلو، پیاز ،سمیت 10اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ،ہائی سپیڈ ڈیزل، مٹی کاتیل ،گیس نرخ ،بجلی کے نرخ ،نمک ،روٹی سادہ ، ملک پاو¿ڈر، سرخ مرچ ،مسٹرڈ آئل ،باسمتی چاول ، سگریٹ ، صابن ، سمیت 26 اشیائے کی قیمتوں میں استحکام رہا. (Oil imports)
ادارہ شماریات کے مطابق گزشتہ ہفتہ کے مقابلے میں 8 ہزار تا 12 ہزار آمدنی ، 12 ہزار تا18 ہزارآمدنی ،18 ہزار تا35ہزار تک اور35 ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.19، 0.20 ،0.22 اور اعشاریہ 22 فیصد کمی ریکارڈ کی گئی.
