لاہور: سابق وزیراعظم نواز شریف (Nawaz Sharif) نے کہا ہے کہ ساہیوال متاثرین کو انصاف ملنے تک ان کے ساتھ ڈٹ کر کھڑے ہیں۔
پاکستان مسلم لیگ (ن) کے قائد محمد نواز شریف (Nawaz Sharif) نے ساہیوال واقعہ پر انتہائی رنج و غم کا اظہار کرتے پارٹی کو انصاف کی فراہمی تک متاثرین کا ساتھ دینے کی ہدایت کر دی۔
مسلم لیگ (ن) لاہور کے جنرل سیکرٹری خواجہ عمران نذیر نے پنجاب انسٹی ٹیوٹ آف کارڈیالوجی میں نواز شریف سے ملاقات کے بعد میڈیا سے گفتگو کرتے ہوئے کہا کہ نواز شریف (Nawaz Sharif) بہت باہمت شخص ہیں، ان کے کچھ ٹیسٹ ہوئے ہیں جن کی رپورٹس زیادہ اچھی نہیں آئیں۔
یہ بھی پڑھیں: نواز شریف کے دل میں تکلیف، پنجاب انسٹیٹیوٹ آف کارڈیالوجی میں طبی معائنہ
خواجہ عمران نذیر نے بتایا کہ پروفیسر شاہد حمید کی سربراہی میں ڈاکٹروں کی ٹیم ان کا طبی معائنہ کررہی ہے اور ان کے مزید کچھ ٹیسٹ ہونے ہیں جبکہ نواز شریف کے ذاتی معالج ڈاکٹر عدنان بھی اس موقع پر موجود ہیں۔
یہ بھی پڑھیں.پاکستان کو سعودی عرب سے 30 ارب ڈالرز کا پیکج ملنے کا امکان
خواجہ عمران نذیر نے کہا کہ نواز شریف (Nawaz Sharif) نے کارکنوں کو سلام بھجوایا ہے اور ان سے دعا کرنے کی درخواست کی ہے، نواز شریف ساہیوال کے واقعہ پر بہت رنجیدہ ہیں ،وہ جیل میں ہونے کی وجہ سے متاثرہ خاندانوں سے اظہار تعزیت کیلئے نہیں جا سکتے لیکن انہوں نے پارٹی کو ہدایت کی ہے کہ وہ متاثرین کو انصاف ملنے تک ان کے ساتھ ڈٹ کر کھڑی رہے۔
