پیپلز پارٹی اور ن لیگ نے جو 35 سالوں میں نہیں کیا وہ ہم نے 5 ماہ میں کر دکھایا

اسلام آباد (سحر نیوز) : وفاقی وزیر برائے آبی وسائل فیصل واوڈا (Faisal Wuda) کا کہنا ہے کہ جو پیپلز پارٹی اور مسلم لیگ ن نے گذشتہ 35 سالوں میں نہیں کیا وہ ہم نے 5 ماہ میں کر کے دکھا دیا ہے۔ انہوں نے کہا کہ اب سپریم کورٹ اور ہائیکورٹ کا سیاسی طور پر اہم کردار بن گیا ہے۔ انہوں نے کہا کہ اٹھارہویں ترمیم کی خلاف ورزی سندھ حکومت کی جانب سے کی جا رہی ہے، شہباز شریف کے منسٹر انکلیو میں رہنے کا علم ہوا تو میں نے وہاں اپنے گھر کی چابی واپس کردی ۔
نجی ٹی وی چینل کے پروگرام میں بات کرتے ہوئے وفاقی وزیر برائے آبی وسائل فیصل واوڈا کا کہنا تھا کہ شہباز شریف کی طرح عام پاکستانی پر بھی الزام عائد ہوتے ہیں لیکن اسے قید رکھا جاتا ہے جبکہ شہباز شریف تو منسٹر انکلیو میں رہ رہے ہیں۔

وزیراعلیٰ پنجاب سردار عثمان بزدار پر کی جانے والی تنقید کا جواب دیتے ہوئے وفاقی وزیر برائے آبی وسائل فیصل واوڈا (Faisal Wuda) نے کہا کہ وزیراعظم عمران خان جسے چاہیں وزیراعلیٰ بنائیں، وزیراعلیٰ کا انتخاب ان کا حق ہے جس پر مجھے اعتراض کرنے کا کوئی حق نہیں ہے۔

یہ بھ ی پڑھیں.کوٹ لکھپت جیل میں قید سابق وزیراعظم نواز شریف کا طبی معائنہ مکمل

انہوں نے کہا کہ وزیراعظم عمران خان کی ہسٹری ہے کہ انہوں (Faisal Wuda ) نے جس کا بھی انتخاب کیا وہ وسیم اکرم بنا۔ وزیراعلیٰ پنجاب کے ملتان دورہ کے دوران پروٹوکول کی گاڑیوں سے متعلق وضاحت دیتے ہوئے وفاقی وزیر نے کہا کہ وزیراعلیٰ پنجاب کے قافلے میں زیادہ تر گاڑیاں حکومت پنجاب کی نہیں ہیں۔ انہوں نے بتایا کہ وزیراعلیٰ پنجاب جس علاقے میں جاتے ہیں وہاں کے مقامی ایم پی ایز اور ایم این ایز کی گاڑیاں بھی ان کے قافلے میں شامل ہوجاتی ہیں، وزیراعلیٰ پنجاب عثمان بزدار سے کوئی غلطی ہو بھی گئی تو وہ ہمارے دوست ہیں ہم انہیں سمجھا دیں گے کہ آئندہ اتنی گاڑیاں استعمال نہ کریں۔