Hasan Ali
رشتے کے حوالے سے بات چیت جاری،ابھی فائنل نہیں ہوا:فاسٹ باﺅلر،لڑکی ایمرٹس ایئر لائن میں انجینئر ہے:بھارتی صحافی
لاہور ( تازہ ترین اخبار۔30 جولائی 2019ء) شعیب ملک کے بعد ایک اور پاکستانی کرکٹر بھارت
سے دلہن لانے کیلئے تیار، ایک بھارتی صحافی کے دعوے کے مطابق فاسٹ باﺅلر حسن علی (Hasan Ali)
جلد شادی کرنے والے ہیں اور ان کی اہلیہ کا تعلق بھارت سے ہے۔ تفصیلات کے مطابق ایک
بھارتی صحافی کی جانب سے پاکستانی فاسٹ باﺅلر حسن علی سے متعلق تہلکہ خیز دعویٰ کیا گیا ہے۔
صحافی کی جانب سے کہا گیا ہے کہ پاکستانی فاسٹ باﺅلر حسن علی ایک بھارتی لڑکی شامیہ آرزو
کے ساتھ 20اگست کو نکاح کررہے ہیں،نکاح کی یہ تقریب دبئی میں ہوگی، ان کی ہونے والی دلہن
کا تعلق بھارتی ریاست ہریانہ سے ہے اور وہ ایمرٹس ایئرلائن میں انجینئر ہے ۔
وسری جانب فاسٹ باﺅلر حسن علی نے تصدیق کرتے ہوئے کہاہے کہ دونوں خاندانوں میں ابھی
اس رشتے کے حوالے سے بات چیت چل رہی ہے تاہم ابھی تک رشتہ فائنل نہیں ہوا ہے ۔
پاکستانی امپائرعلیم ڈار(Aleem Dar)عالمی ریکارڈ بنانے کے قریب پہنچ گئے
واضح رہے کہ اگر فاسٹ باﺅلر حسن علی(Hasan Ali) بھی بھارتی لڑکی کو اپنی اہلیہ بناتے ہیں
تو یہ پہلا موقع نہیں ہوگا جب کسی پاکستانی کرکٹر نے بھارت سے دلہن لائی ہو۔ اس سے قبل
قومی ٹیم کے آل راﺅنڈر شعیب ملک، عظیم بلے باز ظہیر عباس اور محسن حسن خان بھی بھارتی
خواتین سے شادی کر چکے ہیں، اگر حسن علی بھی بھارت کی کسی خاتون سے شادی کرنے
کا فیصلہ کرتے ہیں، تو پھر وہ بھی شعیب ملک، عظیم بلے باز ظہیر عباس اور محسن حسن خان
کے کلب میں شامل ہو جائیں گے۔
