peshawar zalmi
پشاور زلمی(peshawar zalmi) اور سیرے فائٹ نائٹ کے مشترکہ اشتراک سے مکسڈ مارشل آرٹس کا گرینڈ ایونٹ3اگست کو اسلام آباد میں منعقد ہوگا
لاہور( اخبارتازہ ترین – این این آئی۔ 30 جولائی2019ء) پشاور زلمی(peshawar zalmi)
نے کھیلوں کے فروغ میں ایک اور بڑا قدم اٹھاتے ہوئے پاکستان سپر لیگ کے پاکستان میں
انعقاد سے قبل ملک بھر میں اسپورٹس ایونٹس کا آغاز کر دیا ،پشاور زلمی اور سیرے
فائٹ نائٹ کے مشترکہ اشتراک سے مکسڈ مارشل آرٹس کا گرینڈ ایونٹ3اگست کو
عامر خان باکسنگ ہال اسلام آباد میں منعقد ہوگا،ایونٹ زلمی ٹی وی پر لائیو براڈکاسٹ ہوگا۔
رپورٹ کے مطابق پی ایس ایل فرنچائز پشاور زلمی(peshawar zalmi) نے کرکٹ کے بعد
دیگر کھیلوں کے فروغ کا بیڑہ اٹھالیا ۔پشاور زلمی اور سیرے فائٹ نائٹ کے مشترکہ اشتراک
سے مکسڈ مارشل آرٹس کا بڑا مقابلہ 3 اگست کو عامر خان باکسنگ ہال اسلام آباد میں منعقد ہوگا ۔
مقابلے زلمی ٹی وی پر براہ راست نشر کیے جائیں گے۔
پیسر حسن علی(Hasan Ali) بھی بھارت سے دلہنیا لانے کے لیے تیار
سیرے فائٹ نائیٹ میں پاکستان بھر سے ٹاپ فائٹرز ان ایکشن ہوں گے۔
پشاور زلمی(peshawar zalmi) کے چیرمین جاوید آفریدی نے کہا کہ پاکستان میں مکسڈ
مارشل آرٹس کے فروغ کے لیے پشاور زلمی نے سیرے فائٹ نائٹس کے ساتھ پارٹنرشپ
قائم کی ہے ۔پاکستان میں پی ایس ایل فائیو کے انعقاد سے قبل زلمی پورے پاکستان میں
اسپورٹس ایونٹس کا انعقاد اور کرکٹ کے علاوہ دیگر کھیلوں کیفروغ میں بھرپور کردار
ادا کرے گی۔ پاکستان میں مکسڈ مارشل آرٹس کا بہترین ٹیلنٹ موجود ہے۔
یہ ایونٹ پاکستانی فائٹرز کے لیے صلاحیتوں کے اظہار کا بہترین پلیٹ فارم ہے ۔چیئرمین
سیرے فائٹ نائٹس سعد خان نے کہا کہ پشاور زلمی برانڈ سے اشتراک کے بعد ہمیں پاکستان
میں مکسڈ مارشل آرٹس کے فروغ اور نوجوان فائٹرز کو اپنی پہچان بنانے میں مدد ملے گی۔
اس ایونٹ اور پاکستان میں مکسڈ مارشل آرٹس کو فروغ دینے پر وہ پشاور زلمی(peshawar zalmi) اور
جاوید آفریدی کا شکریہ ادا کرتے ہیں۔
سیرے فائٹ نائٹس کے سی ای او عمر طور نے کہا کہ ان مقابلوں میں دو خواتین سمیت
چھبیس فائٹرز ان ایکشن ہوں گے۔زلمی سپر اسٹارز کامران اکمل اور آندرے فلیچر بھی
ایونٹ کے انعقاد پر خوشی کا اظہار کرتے ہوئے کہا ہے کہ اس ایونٹ سے مکس
مارشل آرٹ کے کھیل کو پاکستان میں فروغ حاصل ہوگا ۔3اگست کو اسلام آباد میں
ہونیوالے اس گرینڈ ایونٹ کی مزید تفصیلات کے لیے پریس کانفرنس 2اگست کو
مارگلہ ہوٹلز میں منعقد ہوگی جس کے بعد 3اگست کو عامر خان باکسنگ ہال میں
سنسنی خیز مقابلے منعقدہوں گے۔
