tax
سرگودھا ( تازہ ترین اخبار۔ 29 اگست 2019ء) : صوبائی حکومت نے صوبہ بھر میں دلہا پر ٹیکس(tax) عائد کرنے کی تیاریاں کر لی ہیں۔ تفصیلات کے مطابق حکومت نے سرگودھا سمیت صوبہ بھر میں دلہوں پر بھی ٹیکس(tax) لگانے کی تیاریوں کو حتمی شکل دے دی ہے۔ اس حوالے سے محکمہ لوکل گورنمنٹ ذرائع نے کہا کہ نکاح کے موقع پر دس ہزار سے زائد حق مہر دینے والے دلہوں سے ٹیکس وصول کیا جائے گا۔یہ ٹیکس نکاح خوان کی وساطت سے متعلقہ یونین کونسل وصول کرے گی۔
60 سالہ شخص نے پندرہ سالہ لڑکی(girl) کو زیادتی کا نشانہ بنا ڈالا
خیال رہے کہ اس سے قبل بھی حکومت نے شادی ہالز اور دلہا دلہن کے والدین پر ٹیکس عائد کیا تھا جس کے خلاف شہریوں نے عدالت سے بھی رجوع کیا تھا تاہم اب حکومت نے دلہوں پر ٹیکس عائد کرنے کی تیاریوں کو حتمی شکل دے دی ہے۔ جس کی حتمی منظوری کے بعد دس ہزار سے زائد حق مہر دینے والے دلہوں پر ٹیکس کی ادائیگی لازم ہو گی۔ اس خبر پر شہریوں نے ملے جُلے رد عمل کا اظہار کیا ہے۔ شہریوں کا کہنا ہے کہ دلہوں پر ٹیکس(tax) عائد کرنا کسی ظلم سے کم نہیں ہے۔ شادی اخراجات کی وجہ سے پہلے ہی دونوں خاندان پریشان ہوتے ہیں ایسے میں اب یہ نیا ٹیکس ناقابل قبول ہے۔
