india
ہفتہ وار پریس بریفنگ میں ڈاکٹر محمد فیصل کا کہنا تھا کہ پاک بھارت مذاکرات(india) پر کئی ملکوں نےثالثی کی پیشکش کی ہے لیکن بھارت(india) مذاکرات پر راضی نہیں ہے جب کہ بھارت سے مقبوضہ کشمیر میں زرائع مواصلات کھولنے، کشمیری قیادت کی رہائی، کرفیو اٹھانے کا مطالبہ کرتے ہیں۔
انہوں نے کہا کہ اور پاکستان ہر سطح پر کشیریوں کیلئے آواز اٹھاتا رہے گا، کئی فورم پر پاکستان کی سفارت کاری سے یہ مسئلہ نمایاں ہوا جب کہ وزیرخارجہ نے جنیوا میں انسانی حقوق کمشن کے اجلاس میں بھارتی مظالم کو بے نقاب کیا، ترجمان دفتر خارجہ کا کہنا تھا کہ کشمیریوں کو ان کے حقوق ملنے چاہیئں، مگر عالمی برادری مسئلہ کشمیر پر پاکستان کے موقف سے اتفاق نہیں کررہی ۔
ڈاکٹر محمد فیصل نے کہا کہ کشمیریوں کو ان کے حقوق عالمی قوانین کے تحت ملنے چاہئیں اور عالمی برادری پاکستان کے موقف سے متفق نظر آرہی ہے، چین کا موقف بھی واضح کہ وہ کسی یکطرفہ اقدام کی حمایت نہیں کرے گا. انہوں نے کہا کہ7 ستمبر کو بھارتی ڈپٹی ہائی کمشنر کو طلب کرکے کھوئی رٹہ میں ایل او سی کی خلاف ورزیوں پر احتجاج ریکارڈ کرایا. مقبوضہ کشمیر میں بھارتی قابض افواج نے تین مزید کشمیری شہید کر دیئے، مقبوضہ کشمیر میں زرائع مواصلات بالکل بند ہیں اور حالیہ بھارتی مظالم40ویں روز میں داخل ہو چکے ہیں.
