rawalpindi
راولپنڈی(rawalpindi) کے علاقے دھمیال میں صدر بیرونی پولیس تھانے کے حدود سے مدرسے کے طالبعلم کو
مبینہ طور پر ریپ کا نشانہ بنانے پر مدرسے کے استاد کو گرفتار کرلیا گیا۔
مذکورہ شخص کو پولیس نے 12 سالہ بچے کے طبی معائنے کے بعد گرفتار کیا۔
اس حوالے سے پولیس کا کہنا تھا کہ اس واقعے کا علم جب سینٹرل پولیس افسر محمد فیصل
رانا کو ہوا تو انہوں نے سپرنٹنڈنٹ پولیس (ایس پی) صدر رائے مظہر اقبال کو بچے کا طبی
معائنہ کروانے کے بعد ملزم کے خلاف کارروائی کرنے کی ہدایت کی۔
جب پولیس کارروائی کے لیے پہنچی تو ملزم نے دیگر افراد کے ساتھ مل کر اپنے آپ کو بے
گناہ ثابت کرنے کی کوشش کی اور پولیس کے خلاف نعرے بازی بھی کی۔
گوجرانوالہ(gujranwala): لڑکی نے ملاقات کے بہانے لڑکے کو بلا کر اسے زندہ جلا دیا
بچے کے طبی معائنے میں اس بات کی تصدیق ہوگئی کہ اس کے ساتھ بد سلوکی کی گئی جس
کے بعد ملزم کو حراست میں لیا گیا تاہم پولیس نے اس سلسلے میں ڈی این اے ٹیسٹ کروانے
کا بھی فیصلہ کر لیا ہے۔ جنسی استحصال کا نشانہ بننے والے بچے کے والد کی شکایت پر پولیس
نے اُستاد پر مقدمہ بھی درج کرلیا۔ ایس پی مظہر اقبال کا کہنا تھا کہ ”اس کیس کی شفاف طریقے
سے تحقیقات کرنے کے لیے تمام تر اقدامات اٹھائے جائیں گے جس میں ڈی این اے ٹیسٹ اور
دیگر قانونی کارروائیاں بھی شامل ہیں۔
